sundara chaitanyashramam latest special video

*_మనిషి తప్ప ఇతర జీవులన్నీ తృప్తిగానే జీవిస్తుంటాయి._*

*_మనిషికి మనస్సు అనేది ఒకటుంది. ఒక కారుంటే తృప్తిలేదు. నాలుగు కార్లు కావాలి. తృప్తి ఉంటే ఆనందము దక్కుతుంది. తృప్తి లేకపోతే.. జీవితం నరకపాయంగా మారుతుంది._*

*_ఈ సృష్టిలో రకరకాల జీవులున్నాయి. మనిషి తప్ప ఇతర జీవులన్నీ తృప్తిగానే జీవిస్తుంటాయి.ఎందుకంటే అవన్నీ జీవించటానికి తమ శరీరాలను నిలుపుకోవటానికి ఆవశ్యకమైనవి ఏవో అవి లభిస్తే చాలు._*

*_మనిషికి కూడా శారీరక అవసరాల విషయంలో ఒక హద్దు ఉంటుంది. దప్పిక కలుగుతుంది. తగినంత నీరు తాగితే తృప్తి లభిస్తుంది. ఆకలి అవుతుంది. కడుపునిండా ఆహారం లభిస్తే చాలు తృప్తి కలుగుతుంది. ఇంకాస్త తినండి అని అంటే వద్దు, వద్దు, ఇక చాలు అని అంటాడు._*

*_నిద్ర విషయమూ అంతే. రాత్రంతా గాఢంగా నిద్రపోతే, ఉదయాన్నే సంతోషంగా లేచి పనిచేయటానికి ఉపక్రమిస్తాడు._*

*_అయితే మనిషికి మనస్సు అనేది ఒకటుంది. దాన్ని తృప్తి పరచడం కష్టముతో కూడుకున్న పని. కోరికలు పుట్టేది అక్కడే.అవి అనంతములు. ఒక్క కోర్కెను తీరిస్తే వంద కోరికలు పుట్టుకొస్తాయి._*

*_ఓషో ఒక కథ చెబుతాడు..._*

*_ఒక భిక్షగాడు రాజభవనం ముందు నిలబడి భిక్ష వేయమని కోరాడు. రాజే స్వయంగా వచ్చి ఏమి ఇవ్వమంటావు..? అన్నాడు. ఏమి ఇచ్చినా పర్వాలేదు గానీ ఈ పాత్ర నిండే వరకు ఇవ్వాలి అని తన భిక్షాపాత్రను రాజుకు చూపాడు ఆ భిక్షగాడు._*

*_అదేమంత కష్టం, ‘ఒరే ఈ పాత్ర నిండా వజ్రాలు, మణులు, మాణిక్యాలు వేయండ్రా’ అన్నాడు భటులతో._*

*_వారు ఆ భిక్షాపాత్రలో ఎన్ని వేసినా నిండలేదు._*

*_అద్భుతం!_*

*_‘ఈ పాత్ర దేనితో తయారుచేయబడింది..?’ అని ప్రశ్నించాడు రాజు._*

*_‘ఓ రాజా! ఈ పాత్ర మనిషి పుర్రె’ అన్నాడు భిక్షగాడు._*

*_అసలు విషయం అర్ధమవుతుంది. అంతులేని కోరికలతో నిండిన మనిషి తల అది. ఎంతిచ్చినా తృప్తి చెందదు, ఏమిచ్చినా తృప్తి చెందదు. ఇంకా కావాలి, ఇంకా కావాలి అంటాడు మనిషి._*

*_ఒక ఇల్లు ఉంటే తృప్తిలేదు. నాలుగిండ్లు కావాలి అంటాడు మనిషి. ఒక కారుంటే తృప్తిలేదు. నాలుగు కార్లు కావాలి. లక్షరూపాయలుంటే తృప్తి లేదు, కోటి రూపాయలు కావాలి. రెండు తరాలకు సరిపడే ఆస్తి ఉంటే తృప్తిలేదు,పది తరాలకు సరిపడే ఆస్తిని కూడబెట్టాలి._*

*_ఇక శాంతి ఎక్కడుంటుంది..? జీవితమంతా ఆరాటము, పోరాటమే, ఆందోళన, అలసటే..._*

*_అందుకే ఉన్నదానితో తృప్తి పడు అంటారు పెద్దలు. సంతృప్తిగా జీవించడం ఒక కళా.._*

*_అయితే కొన్ని విషయాల్లో తృప్తి పడరాదు._*

*_వేదాధ్యనము, జపము, దానము ఈ మూడింటి విషయంలో చేసినది చాలు అను తృప్తి ఉండరాదు._*

*_తృప్తి ఉంటే ఆనందము దక్కుతుంది. తృప్తి లేకపోతే జీవితం అశాంతితో రగిలిపోతుంది. శాంతి లేని జీవితం నరకము తో సమానం._*

*_ఈ విషయాన్ని ఏ వ్యక్తి అయినా అనుభవ పూర్వకంగా గ్రహించవచ్చు. వివేకవంతుడు సరైన విషయాలను సరైన విధంగా ఎంపిక చేసుకుని తృప్తి చెందుతాడు, లాభపడతాడు. ఆనందాన్ని అనుభవిస్తాడు._*

ఇంతకంటే ఘనమికలేదు సంతత సౌఖ్యము జనార్దనుడే #LORD KRISHNA MELODY

#Om_Namo_Bhagavathe_Vasudevaya#swami_sundara_chaitanyananda#special#video

https://youtube.com/shorts/vg7lOOKRjOA

ఎన్నో ఎన్నో రూపాలు అన్నీ ఆరే దీపాలు#swami_sundara_chaitanyananda

https://youtube.com/shorts/KGy-IW_ZxS4?feature=share

అంతర్యామి - అసలైన సౌభాగ్యం#అప్పరుసు రమాకాంతరావు

 అంతర్యామి

అసలైన సౌభాగ్యం

సమాజంలో అందరిదీ ఒకే రీతి జీవిత గమనం కాదు. కొందరు భాగ్యవంతులు, మరికొందరివి దైన్యమైన జీవన పరిస్థితులు. ఎందరో వారిలోని సామర్థ్యాన్ని సహజ ప్రతిభలను వృద్ధి చేసుకునే అవకాశమూ ఆలోచనా లేనివారు. వీళ్లంతా సంతోషంగా బతుకుతున్నారా అంటే, కచ్చితంగా ఔనని చెప్పలేం.

ఆనందం మనసుకు సంబంధించింది.అదేమీ ఎండమావి కాదు. ఆనంద స్థితిని అందుకోవడం కష్టతరం కాదు. ఎందుకంటే సంపదలకు, లేమికి అతీతమైంది ఆనందం. కొన్నిసార్లు బండి లాగేవాడిలో కనపడే ఆనందం సొంత కారు నడిపేవాడిలో కనిపించకపోవచ్చు.

సంతోషం లేని సంపదలు విషతుల్యమైన రసభరిత ఫలాల్లాంటివని కౌటిల్యుడు రాజనీతి శాస్త్రంలో చెబుతాడు. మనలో చైతన్యం ఉంటే సంతోషం మనల్ని వెతుక్కుంటూ వస్తుంది. కష్టసుఖాల మధ్య తేడా గమనించని వ్యక్తి మనసు సదా నిర్మలంగా ఉంటుంది. నిర్మల హృదయం గలవాడు ఆనందంగా ఉంటాడు. ఆనందం వేరెక్కడో దొరికే వస్తువు కాదు. మనలోని చైతన్యమే ఆనందం!

ఏది ఉన్నా లేకున్నా, అసంతృప్తితో జీవించేవాడికి ఆనందం అందని ద్రాక్ష లాంటిదే. జీవన మార్గంలో ఎంత వేగిరపడినా అందరికీ అన్నీ అందవు. దేనికైనా కొన్ని పరిమితులుంటాయని గమనించాలి. ఈ హద్దులను గుర్తించలేకపోతే నిరాశ, నిస్పృహ తప్పవు. మనిషికి దుఃఖం ఇక్కడే ప్రారంభమవుతుంది. ఆశించడంలో తప్పులేదు. ఆశించినదాన్ని అందుకోవడం కోసం శ్రమ పడాలి. ఆశ లాలస కాకూడదు. శక్తికి మించిన ఆశ దురాశే అవుతుంది. గాఢమైన కోరికలతో సతమతం కావడం మంచి లక్షణం కాదు. అది దుఃఖానికి కారణమవుతుంది. ఎక్కడైతే కోపం, దురాశ, ఈర్ష్య ఉండవో ఆ శూన్యంలో చైతన్యం వికసిస్తుంది. ఆ చైతన్యమే ఆనందానికి హేతువవుతుంది.

వక్తగా వేదికనెక్కి ప్రసంగి స్తుంటే... సభలో నిశ్శబ్దం ఆవహించి అందరూ ఆ ప్రసంగాన్ని విని చివర్లో ఆ ప్రాంగణం కరతాళ ధ్వనులతో నిండిపోతే ఆ వక్త లోపలినుంచి ఉబికి ఉబికి పొంగిపొరలి వచ్చేదే ఆనందం. ఆ ఆనందం ఎలాంటిదంటే గతంలో తనను విమర్శించినవారిని సైతం హృదయపూర్వకంగా క్షమించేటంతటిది! తోటలో గుంత తవ్వి ఒక మొక్క నాటడంలో మనం పూర్తిగా నిమగ్నమై ఆ పరిసరాలనే మరచిపోతే... అదిగో అక్కడ ఉంటుంది ఆనందం!

ధనం, ప్రతిష్ఠ, అధికారం కోసం వెంపర్లాడతాం. వాటిలోనే ఆనందం ఉందని అనుకొంటాం. ద్వేషం, అసూయ, కోపం మనల్ని వెన్నంటి ఉంటాయి. అయినా వాటిని గమనించం. సూర్యోదయానికి ముందే చల్లని వాతావరణంలో కిలకిలా రావాలు చేస్తూ ఆకాశంలో ఎగిరే పక్షులను ఎవరూ పెద్దగా పట్టించుకోరు. ప్రాతఃకాలంలో చల్లని గాలులకు ఊగుతున్న చెట్లు, మంచు కురిసిన పచ్చిక, ఇంటిముందు ఉదయాన్నే రంగవల్లులు దిద్దుతున్న గృహిణుల కళాభిరుచి... పరిశీలిస్తే ఎంతగానో ఆకట్టుకుంటాయి. మనసును కట్టిపడేస్తాయి. ఆ ఆనందం ముందు ధనం, ప్రతిష్ఠ, అధికారం ఏ పాటివి? అటువంటి అభిరుచి మొలకెత్తితే- మనుషుల్లో ఆనందం మొక్కగా మారి మానవుతుంది. మనలోని చైతన్యం వికసిస్తే ఆనందం మనసును ఆవహించి ఉంటుంది.

యోగి ఎందుకు ఆనందంగా ఉంటాడు? ఆయన వద్ద డబ్బు లేదు. అధికారం అంతకన్నా లేదు. ఆ యోగిలోని చైతన్యం కారణంగా ఎప్పుడూ చిరునగవుతో అంతర్లీనంగా ఆనందం అనుభవిస్తూ ఉంటాడు. దైవం పట్ల అప్రమత్తతతో, ఎరుకతో ఉంటాడు. ఆనందంగా జీవించగలిగితే పవిత్రత మనల్ని అనుసరించి ఉంటుంది. సంతోషంగా ఉండేందుకు మనిషి మనసుతో సంబంధం పెట్టుకొని భౌతిక విషయాలపట్ల నిర్లిప్తంగా ఉండాలి. సుఖం, దుఃఖం మనకు సంబంధించిన వ్యక్తులపై ఆధారపడి ఉంటాయి. ఆనందం అలా కాదు. అది మన మనసు లోలోపలినుంచి ఉబికే ఊట!

- అప్పరుసు రమాకాంతరావు

నీవే నీవే నీవే నీవే నీవేనా యెద కదిపిన కళ నీవే#swami_sundara_chaitanyananda

 

https://youtube.com/shorts/-EcMSmTitQY?si=jcTolWcgyzdw_Jyt

గానలోల! కరుణాల వాల! గాచి బ్రోవు నిరుపమ గుణశీల!#swami_sundara_chaitanyananda

https://youtube.com/shorts/WGScGy6qH0Y?si=_3iF9Fjg0nUYeUvL

గానలోల! కరుణాల వాల!

గాచి బ్రోవు నిరుపమ గుణశీల!

*అగుపించ వేమి శ్రితజన పాల?

వరుల దృష్టి నిన్నేమి చేయు

దర్శనము దృశ్యము ద్రష్టవు కావా!

కాలము దూరము కల్పన కావా!

*ఉపచారములు నేర్వని వారము

అపచారములే ఎరిగిన వారము

అర్హత లేవియు పాపొందని వారము

సారము లేని మేము నీ వారము

*కన్నులలో వెలుగువు నీవే

వెన్నెలలో వెలుతురు నీవే

జలమున ప్రాణము జగతిలో జీవము

అంతా నీవే! అనంతము నీవే!

*వినుమా గోల - శ్రీరమణీ లోల

మాయాజాలము నే తాళ జాల

నీలి నయనాల త్రిభువన పాల!

ఆశ్రిత మందార! చైతన్య శీల!